2026-njy ýylyň 1-nji martyndan başlap – RF-nyň Ulag ministrliginiň täze sanawynda ekspeditorlary bellige almak hökmany bolar

Ýük ekspedisiýasy bilen meşgullanýan ähli ýuridiki şahslar we şahsy telekeçiler 2026-njy ýylyň 1-nji martyndan başlap «Gosuslugi» goşundysynyň üsti bilen öz işjeňligi barada habar bermäge borçludyr. Bellige almak kanuny işiň şerti bolar we «GosLog» platformasynda elektron sanawda alnyp barlar. Bu barada Logirus maglumatlar portaly habar berýär. Şunda habar bermäge 60 gün möhlet berilýär. Talaplaryň bozulmagy jerime we işjeňligiň togtadylmagyna getirer. Ähli resminamalar tabşyrylan halatynda, arza 1 iş günüň dowamynda serediler, ýogsam – ol 7 güne çenli çekip biler. Eger kompaniýa ýaňy-ýakynda sanawdan aýrylan bolsa, gaýtalanýan ýazgysy hem bar bolsa, ol ýatyrylmak tapgyrynda bolsa ýa-da talaplara laýyk gelmese (mysal üçin, ýolbaşçysynyň ozal ykdysady jenaýatlary üçin jenaýat jogapkärçiligine çekilen bolsa), arzasy ret edilip bilner. Maglumatlarda üýtgeşmeler bolan halatynda, olary 3 iş gününiň dowamynda girizmeli, sanawdan aýyrmak arza boýunça, telekeçilik işi ýatyrylanda ýa-da düzgün bozulmalar aradan aýrylmandygy üçin amala aşyrylýar. Sanaw howply ýükleri daşamak rugsatlary ýaly edaralar baradaky esasy maglumatlary öz içine alar. Ulag ministrligi maglumatlaryň dogrudygyny we olaryň talaplara laýyk gelýändigini barlar.