Lamborghini 2024-nji ýylda satuwlarynyň taryhy rekordyny gazandy

Italiýanyň «Lamborghini» kaşaň awtoulaglary öndürijisi 2024-nji ýylda 10 687 awtoulag satmak bilen, täze taryhy rekordyny goýdy. Kompaniýa bu üstünligi ähli model hatarynda gibrid tehnologiýalara doly geçmek bilen baglanyşdyrýar — diýip, auto.ru saýty habar berýär. Satuwlar öňki ýyl bilen deňeşdirilende 6% ösdi, şol bir wagtyň özünde iň köp ulaglar EMEA (Ýewropa, Ýakyn Gündogar we Afrika) sebitinde - 4227 sany satyldy. Amerikanyň bazarlarynda 3712 awtoulag, Aziýa-Ýuwaş umman sebitinde bolsa 2748 awtoulag satyldy. Kompaniýa aýratyn üstünligi onuň öňdebaryjy modeli bolan «Revuelto» getirdi, ol eýýäm 2026-njy ýylyň ahyryna çenli, ýagny iki ýyl öňünden satyldy. Täze «Temerario» modeli hem köpçüligiň uly gyzyklanmasyna sebäp boldy. Rekord görkezijilere «Huracan» superkaryndan soňky kysymlar, şol sanda öndürilişi dowam edýän ýörite «Sterrato» we «STJ» modelleri hem goşmaça goşant goşdy. «Lamborghini» kompaniýasy ýolbaşçylygy dünýä bazarynda brendiň orunlaryny mundan beýläk hem berkitmäge ýardam bermeli innowasion tehnologiýalary ösdürmäge maýa goýmak meýillerini tassyklady.