Türkmenistan Tähranda geçiriljek gaýtadan dikeldilýän energetika boýunça halkara sergisine gatnaşmaklyga çagyryldy

Eýran Yslam Respublikasynyň Aşgabatdaky ilçihanasy türkmen tarapyny gaýtadan dikeldilýän energiýa çeşmeleri boýunça IX Halkara sergisine we maslahatyna gatnaşmaga çagyrdy. Çäre 2025-nji ýylyň 26-27-nji maýynda Tähranyň «Milad» Halkara maslahatlar merkezinde geçiriler – diýip, TSTB-niň saýty habar berýär. Guramaçylar bu foruma «ýaşyl» energetikany ösdürmäge gyzyklanma bildirýän türkmen assosiasiýalaryny, kompaniýalaryny, işewürlerini we maýadarlary gatnaşmaga çagyrýarlar. Gatnaşyjylar üçin ýörite maglumat web saýty döredildi: https://www.irec.irrea.ir.