«TNF 2024» sergisinde ýangyç-energetika pudagynda ýük daşamak üçin uçýan howa ulagy görkeziler

Umumy agramy 500 kg çenli bolan dürli agyrlyklardaky ýükleri daşamaga we -55-den +40 gradusa çenli temperaturada işlemäge ukyply uçarmansyz ulag 16 — 19-njy sentýabr aralygynda Tümen şäherinde geçiriljek «TNF 2024» atly senagat we energetika forumynyň çägindäki sergide hödürlener. Uzynlygy 9 metr, ganatlary 15 metr bolan enjamyň taslamasy «TNF EXPO» açyk halkara sergisinde iň görnükli eksponatlaryň birine öwrüler. Bu taslama ýylyň islendik wagtynda uzak meýdana harytlaryň gyssagly eltilmegini üpjün edip biler. Häzirki wagtda bu diňe Ýugra we Ýamal üçin däl, eýsem, logistikada howa şertlerine we ulag infrastrukturasynyň mümkinçiliklerine bagly bolan ýurduň beýleki sebitleri üçin hem möhümdir. Uçarmansyz howa ulaglary adaty awiasiýa we möwsümleýin ulag görnüşlerinde gyş ýollarynda ýük daşamagy hem-de ýol ulaglaryny çalşyp boljak tygşytly nusga öwrülýär. Bu taslamany döreden «Uçýan ýük awtoulaglary» kompaniýasy göterijilik ukyby 500 kg we 30 kg bolan iki görnüşli uçarmansyz enjamy öndürýär. Kompaniýanyň baş müdiri Anton Blik dronlar boýunça işlemäge uly gyzyklanma bildirýär. Şeýlelikde, 3-4 ýylyň içinde kiçi dronlaryň öndürilmegi ýylda 2-3 müň birlik derejä ýetiriler. Uly tehnologiýalara isleg 2030-njy ýyla çenli 100-200 birlige ýetip biler.