Türkmenistanyň demirgazyk welaýatynda pagta ýygymyna ykjam taýýarlyk görülýär

Daşoguz welaýatynda ýetişdirilen pagta hasylyny ýygnamaga ýokary guramaçylyk derejesinde taýýarlyk işleri geçirildi. «Türkmenistan: Altyn asyr» neşiriniň habar bermegine görä, «Daşoguzpagta» önümçilik birleşiginiň pagta arassalaýjy kärhanalarynda hem-de pagtany saklamak we ammarlarda ýerleşdirmek üçin niýetlenen meýdançalarynda we önümçilik desgalarynda tehnologik enjamlaryň abatlaýyş işleri bellenilen möhletlerde doly tamamlandy. Pagtany ýygmak üçin niýetlenen tehnikalar hem doly taýýar edilip goýuldy. Olaryň esasy bölegi ýokary öndürijilikli «John Deere» kombaýnlaryndan hem-de pagta hasylyny daşamak üçin niýetlenen ýörite ulaglardan ybaratdyr. Bu ýyl sebitde pagta hasylynyň iň iri öndürijileri hökmünde Akdepe etrabynda 62 müň tonna pagta ýygnamak meýilleşdirilýär, Saparmyrat Türkmenbaşy adyndaky etrabynda bolsa 30,6 müň gektar ýerde gowaça ekilip, ondan bol pagta hasylyny almak maksat edilýär – diýip, çeşme belläp geçýär.