Alaşankou gury ýer porty ýük geçirmekde rekord netije gazandy

Hytaýyň demirgazyk-günbatarysynda ýerleşýän Sinszýan-Uýgur awtonom etrabynyň Alaşankou iri gury ýer portunda 23 noýabrda şu ýylyň dowamynda geçirilen ýük dolanyşygynyň bir million tonna ýetendigi resmi bellige alyndy. Bu barada inbusiness.kz saýty Hytaýyň Merkezi telewideniýesine (CCTV+) salgylanmak bilen, habar berýär. Alaşankou port birinji gezek bir million tonnadan ýokary ýükleri işläp geçmegiň ýyllyk dolanyşygyny gazandy. Alaşankou, şeýle hem Alatau geçelgesi ady bilen hem belli bolan port, Hytaýy Orta Aziýa we Ýewropa bilen birleşdirýän möhüm çatryk bolup, onda azyk önümleri, awtoulaglar, degişli serişdelerdir esbaplar, mineral we başga harytlar daşalýar. Şu ýylyň 10 aýynda portuň gümrükhanasy porta girýän we portdan çykýan halkara ýük ulag serişdeleriniň jemi 104 müňüsini gözegçilikden geçirdi.