Türkmenistan we Hytaý diplomatik gatnaşyklaryň ýola goýulmagynyň 33 ýyllygyny bellediler

Türkmenistan we Hytaý 6-njy ýanwarda diplomatik gatnaşyklaryň ýola goýulmagynyň 33 ýyllygyny bellediler. Bu barada HHR-iň Aşgabatdaky ilçihanasynyň metbugat gullugy habar berdi. «Täze 2025-nji ýylda iki ýurduň döwlet Baştutanlarynyň ýolbaşçylygynda Hytaý bilen Türkmenistanyň arasyndaky hemmetaraplaýyn strategiki hyzmatdaşlygyň täze derejä çykaryljakdygyna we dürli ugurlardaky gatnaşyklaryň has netijeli häsiýete eýe boljakdygyna ynanýarys» diýip, çeşmede bellenilýär. Şeýle-de hytaý tarapy iki ýurduň halklarynyň arasyndaky däp bolan dostlugy berkitmäge we uzak möhletli doganlyk gatnaşyklaryny ösdürmäge umyt bildirdi.