Demir ýol arkaly Gazagystandan Hytaýa ýük daşamalar artýar

2025-nji ýylyň ilkinji 4 aýynyň netijesinde Hytaý bilen Gazagystanyň arasynda demir ýol arkaly ýük daşamalaryň mukdary 2024-nji ýylyň şol döwri bilen deňeşdirilende 13% artyp, 11,4 million tonna ýetdi. Bu barada SeaNews neşirine «Qazaqstan temir žoly» edarasynyň metbugat gullugy habar berdi. Şol sanda Dostyk serhet geçelgesinden 6,2 million tonna ýük geçdi, bu geçen ýyl bilen deňeşdirilende 5% köp. Altynkol arkaly bolsa 5,2 million tonna ýük geçip, ol 2024-nji ýylyň ýanwar-aprel aýlary bilen deňeşdirilende 24% köp. Soňky bäş ýylda Gazagystan bilen Hytaýyň arasynda ýük daşamalaryň mukdary 48% artyp, ol 32 million tonna ýetdi. 2020-nji ýyldan bäri Gazagystandan Hytaýa önümleriň eksporty 25% artyp, ol 13,7 million tonna boldy. Şol bir wagtyň özünde dänäniň eksporty 700 müň tonnadan 1,8 million tonna çenli bolup, ol iki esse artdy. 2024-nji ýylda Gazagystandan Hytaýa demir ýol arkaly 3,3 million tonnadan gowrak däneli ýükler iberildi, şol sanda 1,8 million tonna däne we 1,5 million tonna gaýtadan işlenen önümler (şolaryň arasynda 600 müň tonna un we beýleki üwelýän önümler bar, bu 2023-nji ýyl bilen deňeşdirilende 30% köp, we 900 müň tonna kombinirlenen iým, bu bolsa 2023-nji ýyl bilen deňeşdirilende 5 esse köp).