Türkmenistanyň nebit ýataklaryna täze tehnikalar gelip gowuşdy

Ýakynda «Türkmennebit» döwlet konserniniň «Nebitgazdüýpliabatlaýyş» trestiniň awtoulag serişdelerini we ýöriteleşdirilen enjamlary dolandyrmak bölümine Hytaýda öndürilen TY-160 kysymly traktorlar gelip gowuşdy. Tehnikalar «Goturdepe» we «Barsagelmez» ýataklaryna iberildi. Täze enjamlaryň öndürijiligi ýokarlandyrmakda möhüm goldaw bermegine garaşylýar. Bu barada ussatnews.com habar berýär. Soňky döwürler konserniň trestlerine birnäçe tehnikalar gelip gowuşdy, olar önüm bermeýän we önümçiligi haýallan guýulary ýokary hilli düýpli abatlamak mümkinçiliklerini ep-esli giňeltdi. Çeşmäniň bellemegine görä, häzirki zaman tehnologiýalarynyň kömegi bilen çylşyrymly päsgelçilikleri netijeli aradan aýyrmak we guýulary wagtynda dikeltmek mümkindir.