Türkmenistan bilen Ýaponiýanyň arasynda göni howa gatnawyny ýola goýmak meselesi öwrenilýär

13 — 16-njy ýanwar aralygynda «Türkmenistan» awiakompaniýasynyň wekilleri birnäçe ýapon edaralaryna möhüm gepleşikleri geçirdiler. Gepleşikleriň dowamynda iki ýurduň arasynda göni howa gatnawyny ýola goýmak hem-de özara bähbitli hyzmatdaşlygyň beýleki meseleleri ara alnyp maslahatlaşyldy. Bu barada Türkmenistanyň Ýaponiýadaky ilçihanasy habar berdi. Ýapon awiasiýa edaralary bilen geçirilen duşuşyklarda Aşgabat bilen Tokionyň arasynda ýük gatnawlaryny guramagyň mümkinçiligine hem garaldy.