15-nji martda paýtagtymyzdaky «Ýyldyz» myhmanhanasynda Türkmen-tatar işewürler forumy geçirildi. Oňa ýurdumyzyň ministrlikleriniň we pudaklaýyn dolandyryş edaralarynyň, hususy kärhanalarynyň 70-den gowragynyň, Tatarystan Respublikasyndan bolsa 40-a golaý döwlet we hususy kärhanalaryň wekilleri gatnaşdylar.

Işewürler maslahatynda Türkmenistan bilen Tatarystan Respublikasynyň arasynda söwda-ykdysady mümkinçilikler, senagat, energetika, oba hojalygy, ulag-logistika ýaly birnäçe pudakda hyzmatdaşlygy giňeltmegiň ugurlary ara alnyp maslahatlaşyldy.